Nesta xornada de inmersión astronómica, os alumnos e alumnas converteranse en investigadores do espazo para descubrir os segredos da nosa estrela e prepararse para o evento do ano: a eclipse solar total do 12 de agosto de 2026. Exploraremos desde o corazón do Sol ata o seu papel fundamental para a vida na Terra, aprendendo a observar o ceo como auténticos profesionais.

Os estudantes tamén coñecerán o fascinante ciclo de vida das estrelas, desde o seu nacemento ata a súa morte.

Faremos especial fincapé no fenómeno das eclipses explicando os seus tipos, os ciclos que os rexen e as historias e mitos que as distintas culturas crearon á súa ao redor. Prepararemos ao alumnado para que poidan ver con total seguridade a próxima eclipse solar do mes de agosto tendo en conta as medidas de protección necesarias.

A parte práctica inclúe a montaxe dun reloxo de sol e unha observación solar directa utilizando lentes homologadas e telescopio con filtros profesionais, onde se reforzarán as normas de seguridade para unha observación sen riscos.