O alumnado analizará diferentes estruturas vexetais baixo escalas de detalle crecente: a simple vista, baixo a lupa dixital de man e baixo o microscopio óptico; asociando o observado á función que cumpre o elemento analizado nunha planta (estames, pole, estomas, pistilo, pelos radicais, tricomas, etc.). Deste xeito transitaremos cun grao de detalle crecente polos diferentes niveis de organización dos seres vivos (aplicado ao caso concreto das plantas): células, tecidos, órganos, aparellos e sistemas.