Nesta actividade se darán a coñecer conceptos coma etoloxía, adaptación, adestramento e enriquecemento ambiental, e de forma conxunta se mostrarán algúns exemplares de especies de fauna do exotarium, detallando o seu comportamento en estado silvestre, así coma algún dato relevante da súa bioloxía, hábitat, ameazas, etc. Se continuará nas instalacións exteriores, mostrando o comportamento de especies coma as aves rapaces, tartarugas e suricatas, para finalmente parar nas instalacións do aulario.

No aulario se realizará un pequeno obradoiro de enriquecemento ambiental, onde os participantes prepararán pequenos xoguetes alimenticios para algún dos animais do zoo. Finalmente nos recintos dos animais se aportarán os elementos realizados, elaborando fichas de observación do comportamento e etogramas para cada individuo, mediante o recheo de táboas de control e compararán os datos unha vez aportados os elementos de enriquecemento previamente elaborados. Finalmente se porán en común todas as observacións recollidas e se tomarán conclusións sobre a efectividade e consecuencias do enriquecemento ambiental.