Eventos en 4 octubre 2025

Este é un momento ideal para recoller sementes dalgunhas plantas, ese regalo que nos ofrecen as plantas da horta para gardar de cara a tempada seguinte e, tamén, para poder comer. Ademais, toca sementar algúns cultivos e tamén faremos un xogo onde as sementes sexan as protagonistas. Idade recomendada: 4 anos. Duración: 1 hora.

Obradoiro manipulativo onde se manexarán e coñecerán os diferentes tipos de réptiles e se explicará a súa clasificación, a importancia deste grupo animal nos ecosistemas, alimentación, estratexias, curiosidades e ameazas.

O outono é a estación ideal para recoller froitos e sementes da maioría das árbores e arbustos da nosa zona. Imos recolectar sementes das especies autóctonas presentes en Vigo Nature. Aprenderemos a recoñecer as árbores máis comúns e posteriormente, no invernadeiro, plantaremos as sementes recollidas para facer un pequeno viveiro forestal. Estas árbores servirannos, no […]

Que foi primeiro, o ovo ou a galiña? Participa neste xogo de mesa en familia onde investigaremos a orixe das galiñas facendo unha viaxe ao Xurásico, onde atoparemos ao antepasado da Galiña de Mos, e observaremos a súa evolución ata o presente. Idade recomendada: 6 anos. Duración: 1 hora.

Poderás achegarte a observar ao sol, ese gran descoñecido, directamente a través dun telescopio e construir o teu propio reloxio sol. (*) En caso de mal tempo meteorolóxico esta actividade será substituída por "o ceo nocturno". Idade recomendada: 7 anos

Actividade familiar participativa centrada na comunicación das aves, onde os participantes aprenden a distinguir sons como o canto e o chamamento mediante xogos auditivos e unha visita guiada. Combínase a divulgación científica con dinámicas lúdicas e observación directa de aves irrecuperables. A partir de 6 anos. Duración: 1 hora.