O Programa de Educación Medioambiental de Outono 2026 foi presentado este martes 15 de setembro polo Alcalde de Vigo dando a coñecer os percorridos medioambientais previstos para esta tempada, así como as actividades de hortas urbanas e voluntariado medioambiental.
No programa que se achega abaixo atópase o detalle das actividades, no que cómpre salientar unha serie de visitas aos miradoiros máis destacados a carón da ría de Vigo, así como as accións formativas que se realizaran entre o 19 e o 24 de setembro:
Sábado 19 setembro (11:00), curso de iniciación a voluntariado ambiental I (Vigo Nature)
Martes 22 setembro (16:30), curso básico de hortas urbanas I (horta de Navia)
Mércores 23 setembro (16:30), curso básico de hortas urbanas II (horta de Fontáns)
Xoves 24 setembro (16:30), curso básico de hortas urbanas III (horta de Pedro Alvarado)
Xoves 24 setembro (16:30), curso de iniciación a voluntariado ambiental II (Vigo Nature)
As inscricións para os cursos xa se poden realizar dende o día de hoxe no 010 en horario de 8:00 a 20:00.
As inscricións para o primeiro percorrido medioambiental terá lugar a partir do luns 21 de setembro no 010.
HORTAS URBANAS E VOLUNTARIADO MEDIOAMBIENTAL
As hortas urbanas proseguirán a súa actividade habitual entrando o horario de inverno (de 10 a 13 horas polas mañás e de 16 a 19 horas polas tardes) en Navia, Fontáns, Pedro Alvarado, Sardomela, Ramón Nieto e Camelias. Para poder participar nas mesmas é preciso realizar o Curso básico de hortas urbanas que terán lugar entre o 22 e 24 de setembro nas correspondentes hortas.
Tamén seguen as actividades de voluntariado medioambiental no Monte da Guía, nos sendeiros locais ou na caneira municipal. Para poder participar é preciso realizar o Curso de iniciación ao voluntariado medioambiental previsto para o 19 ou o 24 de setembro en Vigo Nature.
