- Este evento ha pasado.
Jumping con arcilla polimérica
Todos os sábados de setembro, de 11:00 a 13:00 horas, convidámoste a participar en Jumping, unha nova actividade de divulgación ambiental especialmente pensada para nenos e nenas de entre 5 e 12 anos. Prezo: 20€ os catro sábados.
Jumping é moito máis ca unha manualidade: é unha experiencia educativa e sensorial onde os participantes explorarán o mundo natural creando animais coas súas propias mans a partir dunha arxila polimérica especial, moi lixeira, elástica e doada de modelar. Este material foi escollido pola súa versatilidade, seguridade e beneficios pedagóxicos.
Durante a actividade, os nenos e nenas modelarán diferentes seres vivos como a esquío, o polbo, o caracol, o faisán ou o koala, mentres aprenden curiosidades sobre os seus hábitats, comportamentos e funcións na natureza. Cada figura será unha porta de entrada para coñecer mellor o noso planeta.
Ademais, Jumping está deseñada para favorecer o desenvolvemento das habilidades motoras finas, a creatividade, a paciencia e a concentración, fomentando tamén o traballo autónomo e o pracer pola aprendizaxe activa a través do xogo.
A actividade terá lugar nun entorno natural, preparado para fomentar a expresión artística e o contacto coa biodiversidade. Non é preciso ter experiencia previa, só ganas de pasalo ben e deixar voar a imaxinación.
Unha proposta diferente para gozar do sábado en familia, rodeados de natureza e creatividade!
NORMAS INSCRIPCIONES ACTIVIDADES
Información importante sobre as inscricións
-As actividades ordinarias están incluídas no prezo da entrada.
-A inscrición para actividades de fin de semana pode realizarse desde o luns desa semana ata o venres ao 12.00 h (salvo festivos) en educacion.vigonature@vigo.org con horario ao público de luns a venres de 11:00h a 20:00h excepto festivos. Os xustificantes de pago deben ser sempre remitidos dentro do plazo que se indique.
-As fins de semana e festivos, a inscrición realízase presencialmente en despacho de billetes o propio día da actividade.
-A reserva só quedará confirmada unha vez realizado o pago das entradas e enviado o xustificante de pago dentro do plazo establecido.
-Os menores de idade deben acudir acompañados por unha persoa adulta.
-As persoas deben estar 10 minutos antes do inicio da actividade.
-Non se pode acceder ás actividades unha vez empezadas.
-Só se poderá acudir a unha actividade (sempre que nesta exista aforo)
-En caso de non poder acudir a actividade non se devolve o importe da entrada.